Blerjet online, Shqipëria përafron standardin e BE dhe rajonit. Kufiri i pataksueshëm 22 euro.

Qeveria shqiptare ka miratuar VKM Nr. 542, datë 27.7.2016 “Për një ndryshim në Vendimin Nr.919, Datë 29.12.2014, të Këshillit të Ministrave, “Për Miratimin e Dispozitave Zbatuese të Ligjit Nr.102/2014, Datë 31.7.2014, “Kodi Doganor i Republikës Së Shqipërisë”, me anë të të cilit u ndryshua kufiri i pataksueshëm në doganë për dërgesat e mallrave me karakter jotregtar, të cilat kanë një vlerë të papërfillshme të përcaktuar në vendim, përkatësisht për blerjet online nga interneti në masën 22 Euro dhe për dërgesat nga një individ jashtë Shqipërisë pranë një individi në territorin shqiptar në masën 45 Euro.

Ky ndryshim, është bërë në përputhje dhe në përshtatje me rregullat e BE dhe konkretisht të Direktivës 2009/132/EC dhe Direktivës 2006/79/EC, në respektim të rregullave të konkurrueshmërisë në tregun rajonal, europian por edhe në tregun e brendshëm, e cila përcakton se kufiri i pataksueshëm për blerjet online në vendet e Bashkimit Europian, luhatet në intervalin 10 – 22 euro. Për dërgesat, ky kufi është 45 euro. Edhe në raport me vendet e rajonit, Shqipëria e ka ndërmarrë kërë nismë si edhe shtetet fqinje si Kosova apo Maqedonia, të cilat e kanë kufirin e pataksueshëm njësoj me standardin e BE, pra 22 euro.

Tabela e mëposhtme tregon kufirin e pataksueshëm për blerjet online në vendet e Bashkimit Europian dhe rajon.